Sonetu husi keixa midar
Labele husik ha’u lakon kmanek ne’e
husi ó-nia matan estátua nian, no asentu
be hori kalan hela iha ha’u-nia hasan
ai-funan-roza de’it maka iha ó-nia iis
Ha’u be laran-kraik tuir tasi ninin ne’e
sai lolon lahó ai-sanak, no halerik
laiha ai-funan, ai-rahun, polpa ka rai-mean
lalatik be belit iha ha’u-nia sofrimentu
Se ó maka ha’u-nia rikusoin be subar
se ó maka ha’u-nia krús, hakoi moras be siin
se ha’u asu no ó maka na’in mesamesak
labele husik ha’u lakon buat ne’ebé ha’u hetan
no hafutar ho bee, suli ba ó-nia mota sira
ho ai-tahan sira husi outunu be laran-taridu
Tradús husi Soneto da doce queixa.
Serenata
Tuir kdadalak mota nian
Kalan habokon an
no iha Lolita ninia susun leten
domin mate nakfahe
Domin mate nakfahe
Kalan, hananu molik
ba ponte fulan-marsu nian
Lolita fase ninia isin-lolon
ho bee-meer no ai-funan
Domin mate nakfahe
Kalan ho anís no osan-mutin
haroman liuhusi kakuluk
mota lakan no espellu sira
anís husi ó-nia kelen mutin rua
Domin mate nakfahe
Pintura: Alfe RM
Leave a Reply