Kronolojia Timor-Leste nian 2002 – 2003

2002

Dia 15 fulan-janeiru 2002
Dezignasaun husi Prezidente indonézia, Megawati Sukarnoputri ba Tribunál Justisa Ad Hoc nian ba krime sira ne’ebé halo iha Timor-Leste.

Dia 26 fulan-fevereiru 2002
Enkontru Trilaterál ba dala uluk entre reprezentante sira husi governu timorense, indonéziu no australianu.

Dia 28 fulan-fevereiru 2002
Asinatura entre autoridade Timor-Leste ho Indonézia nian kona-ba akordu-demarkasaun fronteira komún.

Dia 4 fulan-marsu 2002
Militár japonés to’o iha Díli. Iha protesta kontra sira-nia prezensa ligadu ho okupasaun militár japoneza iha Timor-Leste durante Funu Mundiál Daruak.

Dia 15 fulan-marsu – 12 fulan-abríl 2002
Kampaña ba eleisaun prezidensiál. Kandidatu maka Xanana Gusmão ho Francisco Xavier do Amaral.

Dia 19 fulan-marsu 2002
Kazu kona-ba Masakre Suai iha loron 9 fulan-setembru 1999 tama ba Ad Hoc Tribunál Direitus Umanus nian iha Jakarta. Militár na’in 5 ho polísia, inklui mós akuzadu ba Koronél Herman Sedyono nu’udar Administradór husi Distritu Covalima nian tempu ne’ebá.

Xefe TNI (Tentara Nasional Indonesia, Forsa Armada Nasionál Indonézia) nian – Almirante Widodo Adisucipto ho Jenerál Endriarto Sutarto ba tribunál laran hodi deklara katak sira fó suporta morál ba akuzadu sira.

Dia 22 fulan-marsu 2002
Asembleia-Konstituinte halo rezolusaun ba raskuñu konstituisaun foun. Vota ba simu 72, vota ba lae 14 no auzente 2. Asembleia-Konstituinte aprova no dekreta dokumentu hodi konverte Asembleia-Konstituinte ba Parlamentu Nasionál.

Dia 14 fulan-abríl 2002
Loron ba eleisaun prezidensiál. Ema na’in 86,3% maka hola parte.

Dia 17 fulan-abríl 2002
Anunsia kona-ba rezultadu eleisaun prezidensiál. Votu ba Xanana Gusmão maka 301,634 (82,69%). Votu ba Francisco Xavier do Amaral maka 63,146 (17,31%).

Dia 17 fulan-maiu 2002
Konsellu Seguransa Nasionál Nasoins Unidas nian halo resolusaun kona-ba organizasaun foun Unmiset (United Nations Mission of Support in East Timor, Misaun Nasoins Unidas nian ba suporta Timor-Leste) hodi subtitui Untaet (Unites Nations Transitional Administration in East Timor, Administrasaun Tranzitória Nasoins Unidas nian iha Timor-Leste).

Dia 19 fulan-maiu – 20 fulan-maiu 2002 2002
Restaurasaun ba independénsia Timor-Leste nian. Juramentu ba Prezidente Xanana Gusmão no Primeiru-Ministru Marí Alkatiri. Asembleia Konstituinte sai Parlamento Nacional (PN) no ninia membru sira sai deputadu. Prezidente dahuluk ba PN maka Francisco Guterres Lú-Olo.

Untaet ofisialmete hakotu.

FDTL (Forças de Defesa de Timor-Leste) uza naran Falintil-FDTL.

Dia 20 fulan-maiu 2002
Marxa husi 200-300 veteranu.

Dia 17 fulan-juñu 2002
Prezidente-Repúblika – Xanana   Gusmão no Ministru Negósiu Estranjéiru – José Ramos-Horta vizita Austrália.

Dia 22 fulan-juñu 2002
Adosaun ba Konstituisaun-Repúblika nian.

Dia 2 fulan-jullu 2002
Xanana vizita Jakarta.

Dia 5 fulan-agostu 2002
Tribunál Ad Hoc iha Indonézia nian ba direitus umanus fó livre militár na’in 6 ho ofisiál polisiál ne’ebé akuzadu ba krime kontra umanidade iha Timor-Leste kompremitidu iha tinan 1999, kontráriu ho evidénsia barak ne’ebé dokumenta ho di’ak.

Dia 20 fulan-agostu 2002
F-FDTL selebra aniversáriu Falintil nian dala-27 iha Palácio do Governo oin ida-ne’ebé markadu mós ho protesta husi anti-governu sira.

Dia 27 fulan-setembru 2002
Timor-Leste sai membru Nasoins Unidas nian husi membru hamutuk na’in 191.

Dia 25 fulan-novembru 2002
Forsa husi seguransa timoroan sira hasoru konfrontasaun ho anti-governu sira.

Dia 25 fulan-novembru 2002
Prezidente-Repúblika – Xanana Gusmão husu atu demite Ministru Interiór – Rogério Lobato.

Dia 3 fulan-dezembru 2002
Polísia kaer estudante sira iha eskola Díli nian. Sira protesta hodi kontra polísia ne’ebé tiru gás-lakrimojéneu hasoru manifestante sira.

Dia 4 fulan-dezembru 2002
Manifestasaun sai boot. Polísia tiru ema sira iha manifestasaun laran. Ema na’in 2 maka mate. Ema barak uza violénsia ataka edifísiu sira inklui mós Supermercado ‘Hello Mister’, ‘Lorosa’e Dili Hotel’ no uma rua husi família Primeiru-Ministru – Marí Alkatiri nian hetan sunu.

Dia 14 fulan-dezembru 2002
F-FDTL foun na’in 260 (feto 270 fó graduasaun ba ‘terseiru grupu’ F-FDTL rekrutadu iha Metinaro. Timor-Leste ninia forsa besik na’in 1,500 soldadu.

---

2003

Fulan-janeiru 2003
Relatóriu husi Misaun Konjunta Avaliasaun nian ba PNTL (Polícia Nacional de Timor-Leste) ba fortalesimentu hodi rekomenda medida série ida.

Dia 4-5 fulan-janeiru 2003
Grupu milísia nian ataka populasaun iha Atsabe (Ermera), ema na’in tolu ka haat mate iha violénsia ida. F-FDTL ho PKF (Peace Keeping Force, Forsa Manutensaun Pás nian) hahú operasaun iha-ne’ebá. F-FDTL kaer grupu ‘Kolimau 2000’ ninia membru. Maibé Komisáriu Polisiál Nasoins Unidas nian ho ONG (Organizasaun Naun Governamental), JSMP (Judicial System Monitoring Programme, Programa ba Supervizsaun Sistema Judisiál nian) kritika operasaun ne’e hatete katak posibilidade iha violénsia kontra diretus umanus. Brigadeiru Jenerál Taur Matan Ruak fó opiniaun barak ba krítika ida-ne’e.

Dia 6 fulan-fevereiru 2003
Prezidente-Repúblika – Xanana Gusmão hasoru Prezidente Kuba – Fidel Castro iha Kuala Lumpur (Malázia) ne’ebé halo akordu kona-ba governu kubanu sei haruka médiku mai Timor-Leste, bolsa medisina nian ba timoroan no ajuda iha kampaña ba erradika analfabetizmu. 

Dia 24 fulan-fevereiru 2003
Grupu milísia nian ataka kamiaun ho mini-bus iha Atabae (Bobonaro), ema na’in 2 maka mate. Soldadu PKF besik na’in 300 hahú operasaun militár.

Dia 28 fulan-fevereiru 2003
Kompañia australiana – Telstra hakotu serbisu iha Timor-Leste.

Dia 1 fulan-marsu 2003
Timor Telecom hahú serbisu iha Timor-Leste.

Dia 4 fulan-marsu 2003
Governu indonéziu rejeita akuzasaun ba autoridade altu Governu indonéziu akuzadu komete krime kontra umanidade iha Timor-Leste.

Dia 28-29 fulan-abríl 2003
CAVR (Comissão de Acolhimento Verdade e Reconciliação) loke audénsia públika nasionál ‘Feto Timor-Leste iha konflitu’.

Dia 20 fulan-maiu 2003
Timor-Leste selebra anivérsariu independénsia ba dala uluk.

IFET (The International Federation for East Timor, Federasaun Internasionál ba Timor-Leste) presiona Konsellu Seguransa ONU nian hodi estabelese Tribunál Internasionál ba krime kontra umanidade husi tinan 1975 to’o 1999.

Dia 6 fulan-juñu 2003
Timor-Leste sai nasaun ba dala-191 maka ratifika Konvensaun Jeneva.

Dia 28-29 fulan-jullu 2003
CAVR loke Audénsia Públika kona-ba ‘muda obrigatóriu no hamlaha’.

Dia 19 fulan-agostu 2003
Eis-Administradór UNTAET  iha Timor-Leste – Sérgio Vieira de Mello mate tanba atentadu ho bomba iha Bagdade (Irake).

Dia 20 fulan-agostu 2003
F-FDTL komemora aniversáriu Falintil nian ba dala-28 iha Waimori (Eis-Akantonamentu).

Dia 9-21 fulan-novembru 2003
CAVR loke Audénsia Públika kona-ba ‘masakre’.

Dia 15-18 fulan-dezembru 2003
CAVR loke Audénsia Públika kona-ba ‘Konflitu polítiku 1975-76′.

---

Foto: Selo de Timor-Leste